Բրազիլիան սկսել է հակամենաշնորհային քննություն Microsoft-ի դեմ՝ Opera-ի բողոքի հիման վրա

Բրազիլիայի հակամենաշնորհային վերահսկիչ մարմինը՝ CADE-ն, պաշտոնապես սկսել է հետաքննություն Microsoft-ի դեմ՝ նորվեգական Opera ընկերության բողոքից հետո։ Opera-ն հայտնել է, որ Microsoft-ը կանխադրված է տեղադրում Edge դիտարկիչը Windows համակարգերում՝ խոչընդոտելով մրցակիցներին արդար մրցակցությամբ ներկայանալ շուկայում։

Opera-ն ընդգծել է, որ նման մոտեցումը խախտում է մրցակցային դաշտը՝ հատկապես հաշվի առնելով, որ իրենց բաժինը Բրազիլիայի դիտարկիչների շուկայում կազմում է 6.78%, մինչդեռ Edge-ի բաժինը՝ 11.52%, իսկ առաջատար Google Chrome-ի՝ 75%։ CADE-ն Microsoft-ին ժամանակ է տվել մինչև օգոստոսի 15-ը՝ պատասխանելու Windows լիցենզիաների, Microsoft 365 փաթեթի և Jumpstart ծրագրի վերաբերյալ բողոքներին։

Jumpstart-ը Microsoft-ի արհեստական բանականությամբ գործակալներ ստեղծելու հարթակ է, որը նպաստում է ընկերության AI ներդրումների շահագործմանը։ Opera-ն նման բողոք ներկայացրել էր նաև 2007-ին՝ պահանջելով Եվրոպական հանձնաժողովից ուսումնասիրել Microsoft-ի Internet Explorer դիտարկիչի դոմինանտ դիրքը՝ ինչի արդյունքում ամերիկյան հսկան տուգանվել էր 561 միլիոն եվրոյով։ Microsoft-ը դեռ չի արձագանքել վերջին բողոքին։