88-ամյա արհեստագործը մահացել է՝ ինքնաշեն ուղղաթիռով թռիչքի փորձի ժամանակ

Ռուսաստանի Կիրովի մարզի 88-ամյա բնակիչ Վլադիմիր Տրապեզնիկովը մահացել է՝ փորձելով օդ բարձրանալ ինքնաշեն ուղղաթիռով։ Ինչպես հայտնել է Վոլգայի շրջանի տրանսպորտային դատախազությունը, ուղղաթիռը քանդվել է հենց տեղում՝ շարժիչի գործարկման ընթացքում, երբ պտուտակաթևերը պոկվել են, ծանր վնասվածքներ հասցնելով օդաչուին։

Տրապեզնիկովը, ով հինգ ինքնաշեն թռչող սարքի հեղինակ էր, հոսպիտալացվել է Օմուտնինսկի շրջանային հիվանդանոց, սակայն մահացել է ժամեր անց։ Ինքնաշեն սարքը գրանցված չի եղել, իսկ միջադեպի հանգամանքները հիմա քննվում են, հայտնում է CNN-ը։

Տրապեզնիկովը մանկուց երազել է դառնալ օդաչու, սակայն կյանքի ընթացքում աշխատել է փայտամթերման ընկերությունում որպես վարորդ։ Նա դարձել էր տեղի հայտնի գյուտարար՝ ինքնաշեն ինքնաթիռների շնորհիվ։ 1985 թվականին նրա թռիչքներից մեկը ներկայացվել էր կինոհրապարակ Chronicle-ի «Պանորամա» թողարկումներից մեկում։ Տրապեզնիկովի մահվան պատճառ դարձած ուղղաթիռը եղել է նրա հինգերորդ և վերջին գյուտը։