ԱՄՆ ֆոնդային շուկան վերականգնում է ներդրումները՝ ԵՄ-ի հետ առևտրային գործարքի հույսով

ԱՄՆ ֆոնդային հիմնադրամները երեքշաբաթյա ընդմիջումից հետո հուլիսի վերջին գրանցել են ներդրումների ներհոսք՝ ընդհանուր $6.34 միլիարդ, ինչը պայմանավորված է ԱՄՆ-ԵՄ հնարավոր առևտրային գործարքի շուրջ լավատեսությամբ և ընկերությունների դրական հաշվետվություններով։

S&P 500 և Nasdaq ինդեքսները հասել են պատմական առավելագույնին՝ Microsoft-ի և Meta-ի շահութաբեր հաշվետվություններից հետո։ Ընդհանուր հաշվով՝ S&P 500-ի 317 ընկերություններից 81%-ն անցել է վերլուծաբանների կանխատեսումները։

Մեծ կապիտալիզացիայով ֆոնդերը ներգրավել են $7.81 միլիարդ ներդրում, մինչդեռ փոքր և միջին կապիտալիզացիայի ֆոնդերից դուրսբերում է գրանցվել։ Ֆինանսական և տեխնոլոգիական ոլորտները գրավել են համապատասխանաբար $650 և $583 միլիոն։

Միևնույն ժամանակ ԱՄՆ պարտատոմսերի հիմնադրամները գրանցել են $6.08 միլիարդ ներդրում՝ 15-րդ անընդմեջ շաբաթում, իսկ կարճաժամկետ և միջին ժամկետի ներդրումային դասի պարտատոմսերն ապահովել են $1.99 միլիարդ ներհոսք՝ ամենաբարձրն ամսվա սկզբից։ Դրամավարկային հիմնադրամները, սակայն, տեսել են $1.89 միլիարդ դուրսբերում՝ նախորդ շաբաթվա $7.33 միլիարդ ներդրումից հետո, հայտնում է Reuters-ը։