Ռուսաստանում բացահայտել են հարստանալու «հոգեբանական բանաձևը»

Ռուսաստանցի հոգեբան Ելենա Սոլովյևան հայտարարել է, որ նյութական բարեկեցության հասնելու համար հարկավոր է ոչ միայն աշխատել կամքդ ամրապնդելու վրա, այլ նաև «ավելացնել սիրո զգացումը աշխարհի հանդեպ»: Նրա խոսքով՝ հաջողության հասնելու համար անհրաժեշտ են համակարգված քայլեր, մեծ հավակնություններ և ավելի բաց լինել արտաքին աշխարհի նկատմամբ։

Սոլովյևան հավելել է, որ միաժամանակ պետք է նվազեցնել ներքին տագնապներն ու նյարդային լարվածությունը։ Այս մոտեցումը, ըստ նրա, կարևոր է կայուն եկամուտներ ստեղծելու և կյանքի որակը բարձրացնելու համար։

Ավելի վաղ մեկ այլ հոգեբան՝ Դարյա Յակուբան, խորհուրդ էր տվել նպատակին հասնելու համար կիրառել մոտիվացիայի մեխանիզմներ, ինչպես նաև հստակ սահմանել կոնկրետ, չափելի և իրատեսական նպատակներ։ Մեծ նպատակների իրագործման համար, ըստ նրա, օգտակար է դրանք բաժանել փոքր քայլերի։