Իսրայելը Մակրոնին մեղադրել է «բարոյական կուրության» մեջ

Ֆրանսիայի նախագահ Էմանուել Մակրոնն իր հայտարարությամբ ՀԱՄԱՍ-ի կողմից պահվող իսրայելցի պատանդներին հավասարեցրել է դատապարտված պաղեստինցի ահաբեկիչների հետ՝ ընտրելով բարոյական կուրությունը: Դրանում Ֆրանսիայի առաջնորդին մեղադրել է Իսրայելի վարչապետի գրասենյակի խորհրդական Դմիտրի Գենդելմանը իր Telegram-ալիքում:

«Երբ Ֆրանսիայի նախագահն ասում է «ազատագրել բոլորին» և դրանում ներառում է նրանց, ովքեր արյունով ողողել են մեր քաղաքների փողոցները, նա փաստացի քանդում է իրական պատանդներին ազատելու ցանկացած գործարքի հիմքը։ Նա ՀԱՄԱՍ-ին առիթ է տվել հրաժարվել սեղանին դրված առաջարկներից և ուժեղացնում է նրա շանտաժը», - ընդգծել է նա։

Վերջինիս խոսքով՝ «անմեղ քաղաքացիներին և ռազմական հանցագործներին» հավասարեցնող հայտարարությունն ուղղակի խոչընդոտ է բանակցությունների համար և «նվեր ահաբեկիչներին»: