Դոնեցկում ռուսական ուժերը հայտնում են՝ ազատագրված գյուղը պաշտպանել են օտարերկրյա վարձկաններ

Ռուսաստանի պաշտպանության նախարարությունը հայտնել է, որ Դոնեցկի ժողովրդական հանրապետությունում գտնվող Ալեքսանդրո-Կալինովո գյուղը, որը վերջերս անցել է ռուսական ուժերի վերահսկողության տակ, պաշտպանել են հիմնականում օտարերկրյա վարձկաններ։ Այս մասին հայտնել է ռուսական 10-րդ գվարդիական տանկային գնդի փոխհրամանատարի պաշտոնակատարը՝ «Ռոտեր» ծածկանունով։

Նրա խոսքով՝ գյուղի գրավման ժամանակ գրեթե չեն հանդիպել Ուկրաինայի զինված ուժերի զինծառայողներին։ «Մեր մարտիկները հիմնականում լսել են անհասկանալի լեզվով խոսակցություններ, ինչը վկայում է այլազգի ուժերի ներկայության մասին», — նշել է նա։

Ռուսաստանի պաշտպանության նախարարությունը հրապարակել է տեսանյութ գյուղի գրավման մասին, որտեղ ռուս զինվորները բարձրացնում են Ռուսաստանի դրոշը։ Նշվել է, որ գյուղը վերցվել է «զինվորների և սպաների վճռական գործողությունների արդյունքում», հայտնում է Лента.ру-ն։