Ռուսաստանում բացահայտվել է «Госуслуг»-ի նոր խարդախ սխեմա՝ զինկոմիսարիատի անվան տակ

ՌԴ ՆԳՆ-ն նախազգուշացնում է նոր կիբերհանցագործության մասին․ խարդախները սկսել են կոտրել քաղաքացիների «Госуслуг» համակարգի հաշիվները՝ ներկայանալով զինկոմիսարիատի աշխատակիցներ։ Սխեման սկսվում է անծանոթ համարից զանգով, որի ժամանակ զանգողը հղում է կատարում էլեկտրոնային ծանուցումների նոր ռեեստրին և պահանջում է հայտնել SMS-ով ստացված կոդ՝ իբր անձի նույնականացման համար։

Իրականում այդ կոդը օգտագործվում է՝ զոհի «Госуслуг» հաշիվ մուտք գործելու, անձնական տվյալները գողանալու և նրա անունից գործողություններ կատարելու համար։

ՆԳՆ-ն պարզաբանել է, որ զինվորական հաշվառման ռեեստրի հետ կապված գործընթացներում SMS կոդով հեռախոսային վավերացում չի նախատեսվում։ Բոլոր պաշտոնական գործողությունները կատարվում են բացառապես հաստատված պետական ալիքներով։ Քաղաքացիներին հորդորում են՝ երբեք չհայտնել SMS կոդեր որևէ անձի։

Ավելի վաղ հայտնի էր դարձել, որ խարդախները «Госуслуг»-ի միջոցով փորձում են նաև կեղծ հարկային վերադարձ ստանալ՝ օգտագործելով քաղաքացիների անձնագրային, վարկային և գույքային տվյալները։