ԱՄՆ-ն Ասադի խաղաղ պլանն իրականությունից կտրված է անվանել

ԱՄՆ-ի պետքարտուղարությունը Սիրիայի հակամարտության խաղաղ կարգավորման պլանն անվանել է իրականությունից կտրված. հունվարի 6 –ին հայտնում է Reuters-ը:

ԱՄՆ-ի արտաքին քաղաքական գերատեսչությունը կրկին նշել է, որ Ասադը պետք է հեռանա Սիրիայից:

Ըստ պետքարտուղարության պաշտոնական ներկայացուցիչ Վիկտորյա Նուլանդի՝ Ասադի ճառը իշխանությունը պահելու համար ռեժիմի կողմից կատարված հերթական փորձն էր միայն, ինչը չի նպաստում սիրիական ժողովրդի նպատակների կատարմանը, այն է՝ քաղաքական փոփոխություններ երկրում: Ասադի պլանը կտրված է իրականությունից և խաթարում է ՄԱԿ-ի և Արաբական պետությունների լիգայի հատուկ ներկայացուցիչ Լախդար Բրահիմիի ջանքերը և ուղղված է միայն երկրում հետագա արնահեղությունները պաշտպանելուն:

Հիշեցնենք, որ նախօրեին երկարատև ընդմիջումից հետո Սիրիայի նախագահ Բաշար Ասադը հանդես է եկել իր ժողովրդին ուղղված կոչով, որում նշված է, որ Սիրիայում տարվող պայքարը ոչ թե հեղափոխական շարժում է, այլ ուղղակի հանցագործություն՝ ուղղված Սիրիայի բնակչության դեմ:

Ասադը մեղադրել է ԱՄՆ-ին և արաբական պետություններին, որոնք դրամական օժանդակություն են ցույց տալիս ապստամբներին: Նա նաև ավելացրել է, որ ապստամբների մեծ մասը սիրիացի է:

Ասադը նաև շնորհակալություն է հայտնել Իրանին, Ռուսաստանին և Չինաստանին սիրիացի ժողովրդին օժանդակելու համար: Ապստմբների կողմից տարվող պատերազմին Սիրիան պետք է պատասխանի բարեփոխումների ծրագրով: