Չինաստանի խոսքերը Ռուսաստանի մասին ՄԱԿ-ում զարմանք են առաջացրել ԱՄՆ դեսպանի մոտ

ՄԱԿ-ում Չինաստանի հատուկ ներկայացուցիչ Գեն Շուանի ելույթը զարմացրել է ԱՄՆ ներկայացուցիչ Դորոթի Շիին՝ բառացիորեն զրկելով նրան խոսելու կարողությունից։ Այս մասին գրում է չինական Sohu պարբերականը՝ նշելով, որ Շուանը ոչ միայն չի տրվել հակառակորդի ճնշմանը, այլ ընդամենը մի քանի հստակ հարցով շփոթության մեջ է գցել ամերիկյան կողմին։

Նրա խոսքը վերաբերում էր Ուկրաինայի հակամարտության պատճառներին, Ռուսաստանի և ԱՄՆ-ի հակամարտությանը և ԱՄՆ-ի ռազմական օգնությանը Կիևին։ Շուանի ելույթից հետո, ըստ աղբյուրի, նիստի դահլիճում տիրել է լռություն։

Նախօրեին ՄԱԿ-ի ԱԽ նիստի ընթացքում Դորոթի Շին մեղադրել էր Չինաստանին՝ Ռուսաստանին «գործնականում աջակցելու» և «ագրեսիան խթանելու» համար։ Ի պատասխան՝ Գեն Շուանը հայտարարել է, որ Չինաստանը երբեք չի մասնակցել ուկրաինական հակամարտությանը և հորդորել է ԱՄՆ-ին դադարեցնել մեղավորներ փնտրելը։