«Պարտված պատերազմ». Արևմտյան մեդիան խուճապի մեջ է Ուկրաինայում Ռուսաստանի առաջխաղացման պատճառով

Արևմտյան մամուլում սկսել են բացահայտ ճանաչել ռուսական բանակի առավելությունը Ուկրաինայում, գրում է Steigan պարբերականը։ Աղբյուրը նշում է, որ արևմտյան ԶԼՄ-ները վերջապես հասկանում են՝ «իրենց անուղղակի պատերազմը արևելքում պարտված է»։ Թերթերն ու հեռուստաալիքները դադարել են նվազեցնել ռուսական բանակի ձեռքբերումները և սկսել են արձանագրել Ռուսաստանի հաջողությունները ամառային արշավի ընթացքում։

Բրիտանական The Telegraph պարբերականը շեշտել է, որ ռուսական բանակը գրեթե ամբողջ ճակատով առաջ է շարժվում՝ մեծ արագությամբ և հարվածային դիրքեր է զբաղեցնում, ինչը թույլ է տալիս շրջափակել ուկրաինական զորքին։ Նույն տրամադրություններն է արձանագրել նաև CNN, որտեղ ուկրաինացի զինծառայողն անձամբ է ընդունել ռուսական հաջողությունները։

ՌԴ պաշտպանության նախարարությունն իր հերթին հայտնել է, որ «Հարավային» խմբավորումը ազատագրել է Չասով Յարը Դոնբասում՝ մեկ շաբաթում ոչնչացնելով ավելի քան 1325 ուկրաինացի զինծառայող։