Բուկելեն վերածվում է «մշտական առաջնորդի». Սալվադորում սահմանադրությունը փոխվեց 3 ժամում

Սալվադորի նախագահ Նայիբ Բուկելեն կարող է անսահմանափակ ժամանակով պահպանել իշխանությունը՝ երկրի սահմանադրության վերջին փոփոխությունից հետո։ Բուկելեի կողմնակից պատգամավորները ներկայացրել են սահմանադրական փոփոխությունների օրինագիծ, որը քվեարկության է դրվել առանց քննարկման։ Երեք ժամում այն ընդունվել է՝ 57 կողմ, 3 դեմ ձայներով։

Փոփոխություններով երկարացվել է նախագահական ժամկետը՝ հինգից վեց տարի, չեղարկվել է երկրորդ փուլ անցնելու պահանջը և նախագահական ընտրությունները տեղափոխվել են 2027 թվական։ Բուկելեի ընդդիմախոսները հայտարարում են՝ Սալվադորում դեմոկրատիան մահացավ։ Սակայն իշխանությունը հայտարարում է, որ «ժողովուրդը պետք է որոշի՝ որքան է ցանկանում ղեկավարի պաշտոնավարությունը»։

Բուկելեն, ով 2019-ից ղեկավարում է երկիրը, մեծ ժողովրդականություն ունի հանցախմբերի դեմ պայքարի համար։ Միաժամանակ, նրան մեղադրում են մարդու իրավունքների խախտումների և կոռուպցիայի մեջ։ Վերջին ամիսներին երկրից փախել են տասնյակ լրագրողներ ու իրավապաշտպաններ՝ երկու քննադատական ձերբակալություններից հետո։ ԱՄՆ-ն լռություն է պահպանել՝ չմեկնաբանելով սահմանադրական փոփոխությունները, իսկ նախագահ Թրամփը վերջերս Բուկելեին անվանել է «գերազանց նախագահ»։