Պուտինը Չինաստանի օգնությամբ պատասխանել է Թրամփի սպառնալիքներին. Sohu

Ռուսաստանի Դաշնության նախագահ Վլադիմիր Պուտինը Չինաստանի օգնությամբ թաքնված, բայց հզոր հարված է հասցրել Միացյալ Նահանգներին՝ ի պատասխան ԱՄՆ նախագահ Դոնալդ Թրամփի սպառնալիքների։ Այս մասին ասվում է չինական Sohu պորտալի հոդվածում, հաղորդում է Լենտան։

Թրամփը Մոսկվային սպառնացել է 100 տոկոսանոց մաքսատուրքերով, եթե 10 օրվա ընթացքում չստորագրի Ուկրաինայի հետ խաղաղության համաձայնագիրը։ «Մինչ ԱՄՆ նախագահ Դոնալդ Թրամփը փորձում է վախեցնել Ռուսաստանին, նա գործում է ԲՐԻԿՍ–ի իր գործընկերների հետ միասին», - ասել են չինացի լրագրողները։ Նրանք բացատրել են, որ Ռուսաստանը աննկատելիորեն մեծացրել է պղնձի արտահանումը Չինաստան։ 2024 թվականի նույն ժամանակահատվածի համեմատ, ՌԴ–ի կողմից այս մետաղի արտահանումն աճել է 81 տոկոսով։ Հաշվի առնելով այս փաստը՝ Պեկինը կրճատել է ամերիկյան պղնձի գնումները։

Սա պատասխան էր Թրամփի կողմից կտրուկ բարձրացված մաքսատուրքերին։ Չինացի լրագրողների կարծիքով՝ ԱՄՆ նախագահի որոշումը Ռուսաստանին և Չինաստանին դրդել է ավելի սերտ համագործակցել, ինչը ցավոտ հարված է հասցրել ԱՄՆ տնտեսությանը։ «Մաքսատուրքային պատերազմը անխուսափելիորեն կհանգեցնի ԱՄՆ-ում գների բարձրացման, և ամերիկացիները շուտով կսկսեն դժգոհել ծախսերի աճից», - հավելել են հեղինակները։