Իսրայելի հարձակման սպառնալիքները դեռևս պահպանվում են․ Իրանի բանակի գլխավոր հրամանատար

Իրանի վրա Իսրայելի հարձակման սպառնալիքները դեռևս պահպանվում են, հակամարտությունը չի կարելի համարել լիովին ավարտված։

Ինչպես հաղորդում է IRNA գործակալությունը, այս մասին հայտարարել է Իսլամական Հանրապետության բանակի գլխավոր հրամանատար, գեներալ-լեյտենանտ Ամիր Հաթամին։

«Հարձակման նույնիսկ 1% հավանականությունը պետք է ընկալվի որպես 100% սպառնալիք։ Մենք չենք կարող թերագնահատել թշնամուն և մտածել, որ բոլոր սպառնալիքներն անցյալում են», - նշել է նա։

Հաթամիի խոսքով՝ հրթիռային ուժերը և անօդաչուների ավիացիայի ուժերը շարունակում են մնալ պատրաստության վիճակում և կօգտագործվեն նոր սպառնալիքների ի հայտ գալու դեպքում։