Միջազգային տիեզերական կայանի ուղեծիրը բարձրացել է գրեթե երկու կիլոմետրով

Միջազգային տիեզերակայանի (ՄՏԿ) ուղեծիրը բարձրացել է գրեթե երկու կիլոմետրով, չորեքշաբթի օրը հայտնել է «Ռոսկոսմոսը»։

«Հուլիսի 16-ին, Մոսկվայի ժամանակով ժամը 17:45-ին, Միջազգային տիեզերակայանը բարձրացվել է 1.93 կմ-ով», - ասվում է հաղորդագրության մեջ։

Այնտեղ նշվում է, որ Միջազգային տիեզերական կայանի ուղեծրի միջին բարձրությունը մեծացել է 1.93 կմ-ով և այժմ կազմում է 416.8 կմ։

Պետական կորպորացիայի տվյալներով՝ ուղղումը կատարվել է «Progress MS-30» բեռնանավի շարժիչների միջոցով։