Ռուս կանանց թույլատրվել է մասնակցել շախմատի աշխարհի թիմային առաջնությանը

Ռուսաստանի հավաքականին թույլատրվել է մասնակցել կանանց շախմատի աշխարհի թիմային առաջնությանը, հաղորդում է ՖԻԴԵ-ի մամուլի ծառայությունը։

Համապատասխան որոշումը կայացվել է ՖԻԴԵ-ի նիստում։

Հայտարարության մեջ ասվում է, որ ՖԻԴԵ-ն հետևել է մի շարք միջազգային սպորտային ֆեդերացիաների (Ջրային սպորտի համաշխարհային ֆեդերացիա, Սուսերամարտի միջազգային ֆեդերացիա, Մարմնամարզության միջազգային ֆեդերացիա) օրինակին։

Ռուս կանայք կմրցեն աշխարհի թիմային առաջնությունում ՖԻԴԵ-ի դրոշի ներքո՝ «պայմանով, որ ՄՕԿ-ից ստանան առարկության մասին նամակ»։

Մրցաշարը տեղի կունենա այս տարվա նոյեմբերին Իսպանիայում։