Իսպանիայում կործանվել է մասնավոր ինքնաթիռ․ երկու ուղևորներ անհետ կորել են

Իսպանիայի Մայորկա կղզու Սոլյեր նավահանգստում մասնավոր Harmon Rocket ինքնաթիռը կործանվել է փարոսի մոտ։ Ինչպես հայտնում է Cronica Balear-ը, միջադեպը տեղի է ունեցել օգոստոսի 2-ին՝ տեղական ժամանակով ժամը 20:00-ի սահմաններում։

Ինքնաթիռը ընկել է ծով՝ մոտ 30 մետր խորության վրա։ Փրկարարները հայտնաբերել են բեկորները, սակայն ինքնաթիռում գտնվող երկու ուղևորներն այս պահի դրությամբ համարվում են անհետ կորած։ Ինքնաթիռը վարում էր 60-ամյա ամերիկացի նախկին զինվորական, ով ժամանակին օդաչու է եղել F-18 և F-14 կործանիչների վրա։ Նա այժմ բնակվում է Գերմանիայում և մասնավոր օդաչու է, իսկ Մայորկայում ունի տուն, որտեղից պարբերաբար իրականացնում էր թռիչքներ։

Նույն օրը՝ առավոտյան, օդաչուն կատարել էր ցուցադրական ակրոբատիկ թռիչքներ Սոլյերի վերևում։ Երկու ժամ անց՝ արդեն ուղեկցվելով անծանոթ երիտասարդով, նա կրկին բարձրացել է օդ, որից հետո տեղի է ունեցել աղետը։ Ինքնաթիռի կործանումից առաջ նման դեպք է արձանագրվել նաև ԱՄՆ-ում, երբ North Carolina նահանգում մեկ այլ փոքր ինքնաթիռ վթարվել էր տեխնիկական խնդիրների պատճառով։