Միջուկային պատերազմում հաղթող չի կարող լինել. Կրեմլը պատասանել է Թրամփին

Ռուսական կողմը ելնում է այն պոստուլատից, որ միջուկային պատերազմում հաղթող չի կարող լինել։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ նախագահի հայտարարությունը Ռուսաստանի Դաշնության հետ միջուկային պատերազմին պատրաստ լինելու մասին։

«Միջուկային պատերազմում հաղթող չի կարող լինել։ Սա, հավանաբար, այն գլխավոր պոստուլատն է, որից մենք ելնում ենք», - ասել է նա։

Կրեմլի ներկայացուցիչը նշել է, որ Մոսկվայի և Վաշինգտոնի միջև երկխոսությունը շարունակվում է։ Նա հավելել է, որ Միացյալ Նահանգները շարունակում է Ուկրաինայի հարցում միջնորդելու իր ջանքերը։