Ռուս պատգամավորը արձագանքել է Արեստովիչի հայտարարությանը Ուկրաինայի 12 մարզերի կորստի մասին

Ռուսաստանի Պետդումայի պատգամավոր Անդրեյ Կոլեսնիկը մեկնաբանել է Ուկրաինայի նախագահի նախկին խորհրդական Ալեքսեյ Արեստովիչի հայտարարությունը, թե եթե Կիևը չհամաձայնի հրադադարի, կարող է կորցնել մինչև 12 մարզ։ Կոլեսնիկը հայտարարել է, որ Արեստովիչն այժմ «պարզապես բլոգեր է» և նրա կարծիքը «լուրջ ընդունելու կարիք չկա»։

«Արեստովիչը այսօր հանդես է գալիս տարբեր կողմերից՝ ինչպես իրեն հարմար է։ Նա փորձում է մնալ մեդիա դաշտում, որպեսզի չմոռացվի։ Այդպիսի մարդկանց շատ կտեսնենք», — ասել է Կոլեսնիկը Lenta.ru-ին։

Նա հավելել է, որ Ռուսաստանի ռազմական հաջողությունները ստիպում են շատերի աչքերը բացել և գիտակցել՝ Ռուսաստանի հետ հարկ է հաշվի նստել։ Ավելի վաղ Արեստովիչը նշել էր, որ Ռուսաստանի վերահսկողության տակ կարող են անցնել Ուկրաինայի մի քանի մարզեր, իսկ թե ով Կիևի կողմից կստորագրի համաձայնագիրը, էական չէ։ Նրան Ռուսաստանը ներառել է ծայրահեղականների և ահաբեկիչների ցուցակում։