Կրեմլում հայտնել են՝ Պուտինը պատրաստ է հանդիպել Զելենսկուն

Ռուսաստանի նախագահ Վլադիմիր Պուտինը չի բացառում Զելենսկու հետ հանդիպման հնարավորությունը փորձագիտական մակարդակով անհրաժեշտ աշխատանքից հետո։ հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է РИА Новости-ն:

«Ուզում եմ ձեզ հիշեցնել, որ ինքը՝ նախագահը, մշտապես չի բացառում նման հանդիպում անցկացնելու հնարավորությունը։ Այն բանից հետո, երբ փորձագիտական մակարդակով կատարվի աշխատանքի անհրաժեշտ մասը և հաղթահարվի պատշաճ հեռավորությունը», - ասել Է Պեսկովը պատասխանելով հարցին՝ արդյոք այժմ հնարավոր է Պուտինի և Զելենսկու հանդիպումը, և արդյոք նախապատրաստական աշխատանք է կատարվել նման հանդիպման համար։