Բրիտանական BP-ն Բրազիլիայում հայտնաբերել է վերջին 25 տարվա խոշորագույն նավթագազային հանքավայրը

Բրիտանական էներգետիկ հսկա BP-ն հայտարարել է, որ Բրազիլիայում հայտնաբերել է վերջին քառորդ դարի խոշորագույն նավթագազային հանքավայրը։ «Բումերանգ» անվանումով հանքավայրը գտնվում է Սանտոսի ավազանում՝ Ռիո դե Ժանեյրոյից 400 կմ հեռավորության վրա և զբաղեցնում է ավելի քան 300 քմ տարածք։

Ընկերությունը հայտնել է, որ հետախուզական հորատանցքը իրականացվել է ծովի մակարդակից 2372 մետր խորությամբ, իսկ ընդհանուր խորությունը կազմել է 5855 մետր։ BP-ն նախատեսում է շարունակել գնահատական աշխատանքները՝ կարգավորող մարմինների թույլտվություն ստանալու դեպքում։

Այս հայտարարությունից հետո BP-ի բաժնետոմսերը Լոնդոնի ֆոնդային բորսայում աճել են 1,5 տոկոսով։ Ավելի վաղ ընկերությունը հայտարարել էր, որ 2025-ին նախատեսում է կրճատել մոտ 4700 աշխատատեղ՝ ծախսերի օպտիմալացման նպատակով։