Պետերբուրգում արհեստական բանականությամբ սկսեցին պայքարել ապօրինի տաղավարների դեմ

Սանկտ Պետերբուրգում ապօրինի տեղադրված լարեքների (տաղավարների) հայտնաբերման համար սկսել են օգտագործել արհեստական բանականություն։ Քաղաքի իշխանությունների տվյալներով՝ վարչական-տեխնիկական տեսչությունը (ԳԱՏԻ) ստեղծել է համակարգ, որտեղ նեյրոցանցը ավտոմատ կերպով հայտնաբերում է չարտոնված առևտրային կառույցները։

«Ութ շարժական համակարգ, որոնք տեղադրված են ավտոմեքենաներում, շարժման ընթացքում սկանավորում են քաղաքը և գտնում բոլոր ապօրինի օբյեկտները», — հայտնել են տեսչությունում։ Նմանատիպ շինության հայտնաբերման դեպքում տարածքի սեփականատիրոջը նշանակվում է 50 հազար ռուբլի տուգանք։

Արդեն հուլիսին նման տուգանք ստացել է առաջին խախտողը, ով այժմ պետք է օրինականացնի տաղավարը կամ ապամոնտաժի այն։ Ավելի վաղ Դաշնության խորհրդի ղեկավար Վալենտինա Մատվիենկոն կոչ էր արել Ռուսաստանում զարգացնել «սուվերեն» արհեստական բանականություն և բացառել օտար տեխնոլոգիաների ազդեցությունը՝ նշելով, որ ԱԲ-ն պետք է գործի միայն ազգային օրենսդրության շրջանակում։