WSJ․ Պաղեստինի ճանաչման նախաձեռնությունը սպառնում է Արևմուտքի միասնականությանը Ուկրաինայի հարցում

Մեծ Բրիտանիայի, Ֆրանսիայի և Կանադայի՝ Պաղեստինի անկախությունը ճանաչելու մտադրությունը կարող է խորացնել տարաձայնությունները ԱՄՆ-ի և այլ արևմտյան դաշնակիցների միջև Ուկրաինային օգնություն ցուցաբերելու հարցում։ Այս մասին գրում է The Wall Street Journal-ը՝ վկայակոչելով ամերիկյան փորձագետ Դանիել Սամեթի վերլուծությունը։

Հոդվածի համաձայն՝ ԱՄՆ նախագահ Դոնալդ Թրամփի վարչակազմը և Կոնգրեսի հանրապետական մեծամասնությունը հստակ աջակցում են Իսրայելին, ինչը հակասում է Պաղեստինին աջակցելու Եվրոպայի որոշ երկրների դիրքորոշմանը։ Սամեթը շեշտում է՝ եթե Ֆրանսիան և Բրիտանիան պնդում են, որ Ուկրաինայի անվտանգությունը անբաժանելի է եվրոատլանտյան անվտանգության համակարգից, ապա ինչու են նման քայլերով հակադրվում ԱՄՆ-ի հանրապետական ղեկավարությանը՝ վտանգելով համերաշխությունը։

Նշենք, որ ավելի վաղ Իտալիան պաշտոնապես հրաժարվել էր Պաղեստինի ճանաչումից՝ չմիանալով եվրոպական երկրների նման նախաձեռնություններին։