Խաղաղության համար սահմանված ժամկետները իրական չեն. ՌԴ

Ռուսաստանի Սենատի արտաքին հարաբերությունների կոմիտեի փոխնախագահ Վլադիմիր Ջաբարովը հայտարարել է, որ ԱՄՆ նախագահ Դոնալդ Թրամփի սահմանած վերջնաժամկետը՝ մինչև օգոստոսի 8-ը Ուկրաինայի հետ զինադադարի հասնելու համար, իրականություն չի դառնալու։ Նա ընդգծել է, որ այդ պահանջը զուտ քաղաքական ճնշման փորձ է, որը չունի իրական հիմք։

«Պարզ է, որ սա իրական չէ։ Թրամփը ցանկանում է պարզապես կանգնեցնել պատերազմը, իսկ հետո շարունակել Ուկրաինայի զինումը ու ուժերի վերախմբավորումը։ Սա խաղաղության գործընթաց չէ», — ասել է Ջաբարովը։

Սենատորի խոսքով՝ Թրամփն այս սպառնալիքներով փորձում է զիջել իր շրջապատի այն հատվածին, որը կողմ է նոր պատժամիջոցների։ Սակայն, ինչպես նշել է նա, աշխարհը չի արձագանքի այդ քայլերին, քանի որ երկրորդական սանկցիաները չեն գործի․ Հնդկաստանը, Չինաստանը և Բրազիլիան հրաժարվում են հրաժարվել ռուսական էներգիայի ներկրումից։

Վերջում Ջաբարովը նշել է, որ Ռուսաստանը բաց է բանակցությունների համար, սակայն միայն այն դեպքում, երբ դրանք կտան իրական արդյունք։ «Ոչ թե՝ նստել, խոսել ու կրկին հեռանալ առանց արդյունքի, ինչպես արդեն մի քանի անգամ եղել է», — եզրափակել է նա։