Լոնդոնը պատրաստում է դիվերսիա՝ ճնշում գործադրելու ԱՄՆ-ի վրա. ՌԴ

Ռուսաստանի Արտաքին հետախուզության ծառայությունը (ՍՎՌ) հայտարարել է, որ Մեծ Բրիտանիան պատրաստվում է ծովում իրականացնել լայնածավալ դիվերսիա՝ նպատակ ունենալով ճնշում գործադրել ԱՄՆ նախագահ Դոնալդ Թրամփի վարչակազմի վրա։ Այս մասին հայտնել է ռուսական հետախուզության մամուլի ծառայությունը։

Մանրամասներ և գործողության վայրը չեն հրապարակվել, սակայն Մոսկվան հայտարարել է, որ Լոնդոնը փորձում է այս միջոցով ազդել ԱՄՆ քաղաքական որոշումների վրա՝ կապված ինչպես Ուկրաինայի, այնպես էլ այլ միջազգային խնդիրների հետ։ ՍՎՌ-ը հայտարարել է, որ հետևում է իրավիճակին և բացահայտել է այս գործողության պատրաստման նպատակները։