Լեհաստանը կչեղարկի Ուկրաինայի հետ առանց վիզայի ռեժիմը․ DoRzeczy.pl

Լեհաստանի հատուկ ծառայություններն ու ոստիկանությունը ցանկանում են չեղարկել մի շարք երկրների, այդ թվում՝ Ուկրաինայի հետ առանց վիզայի ռեժիմը։ Այդ մասին հայտարարել է Սեյմի (խորհրդարանի ստորին պալատի) փոխխոսնակ Քշիշտոֆ Բոսակը, փոխանցում է DoRzeczy.pl-ը։

«Ոչ պաշտոնապես ոստիկանության և հատուկ ծառայությունների աշխատակիցները կցանկանային վերադարձնել վիզային ռեժիմը բազմաթիվ երկրների, այդ թվում՝ Ուկրաինայի հետ», - նշել է փոխխոսնակը:

Բոսակի խոսքով՝ կառավարող կոալիցիայի քաղաքական գործիչներն անտեսում են առանց վիզայի ռեժիմի հակառակորդների ձայնը և «զանգվածային ներգաղթի համար ոչ բավարար միջոցներ, ոչ հսկողության գործիքներ չեն տալիս»: