Ուկրաինական դրոնները հարվածել են Բելգորոդի մարզի հինգ բնակավայրի

Ուկրաինայի զինված ուժերը հարվածել են Ռուսաստանի Բելգորոդի մարզի հինգ բնակավայրերի, այդ թվում՝ քաղաք Գրայվորոնին և Շեբեկինոյին։ Այս մասին հայտնել է մարզի նահանգապետ Վյաչեսլավ Գլադկովը։

Գլադկովի խոսքով՝ Գրայվորոն քաղաքում թշնամու դրոնը պայթել է սոցիալական օբյեկտի ավտոկայանատեղիում։ Արդյունքում բռնկվել է ավտոմեքենա, իսկ ևս յոթ մեքենա տարբեր վնասվածքներ են ստացել։ Դոլգոյե, Դվուլուչնոյե և Նեչաևկա գյուղերում վնասվել են երեք մասնավոր տներ։ Շեբեկինոյում դրոնն ընկել է տան տանիքին՝ առաջացնելով պայթյուն։

Բոլոր հինգ հարձակման դեպքերում զոհեր և վիրավորներ չկան։ Համացանցում արդեն տարածվել են տեսանյութեր՝ ցույց տալով, թե ինչպես են ուկրաինական դրոնները հարվածում ավտոմեքենաների և շինությունների։