Թրամփը Ռուսաստանին խաղաղության «վերջին շանսն» է տվել . Կիև

Ուկրաինայի Ազգային անվտանգության և պաշտպանության խորհրդին կից ապատեղեկատվության դեմ պայքարի կենտրոնի ղեկավար Անդրեյ Կովալենկոն հայտարարել է, որ ԱՄՆ նախագահ Դոնալդ Տրամփը իբր Ռուսաստանի համար «վերջին շանսն» է սահմանել՝ խաղաղ ավարտին հասնելու Ուկրաինայի հակամարտությունում։ Այս մասին նա գրել է իր Telegram-ում։

Կովալենկոյի խոսքով՝ Տրամփի այս քայլը արտահայտվում է Սթիվեն Ուիթկոֆի՝ Մոսկվա նախատեսվող այցով։ Եթե այդ այցը արդյունք չտա, ապա ԱՄՆ-ը պատրաստ է նոր պատժամիջոցներ կիրառել Ռուսաստանի դեմ։

Ավելի վաղ ռուս սենատոր Վլադիմիր Ջաբարովը հայտարարել էր, որ Տրամփի սահմանած հրադադարի ժամկետները իրականությանը չեն համապատասխանում և, ըստ ամենայնի, ինքն էլ է դա գիտակցում։ Ջաբարովը հավելել էր, որ ամերիկյան առաջնորդը, հնարավոր է, զիջում է իր շրջապատի այն հատվածին, որն աջակցում է պատժամիջոցների նոր փաթեթի կիրառմանը։

Հիշեցնենք՝ Տրամփը հայտարարել էր, որ կկիրառի նոր սահմանափակումներ Ռուսաստանի նկատմամբ, եթե մինչև իր նշած ժամկետը Ուկրաինայում հրադադար չհաստատվի։ Նա նաև նշել էր, որ Ռուսաստանը կարողանում է շրջանցել արդեն գոյություն ունեցող պատժամիջոցները։