Հայտնի է Ուիթքոֆի՝ Մոսկվա այցի հետաձգման պատճառը

ԱՄՆ նախագահի հատուկ բանագնաց Սթիվ Ուիթքոֆի այցը Մոսկվա կարող էր հետաձգվել Ռուսաստանի նախագահ Վլադիմիր Պուտինի կողմից Արևմուտքին փոխանցված ազդանշանների պատճառով: Այս մասին հայտարարել է վերլուծաբան Ալեքսեյ Մարտինովը, փոխանցում է РИА Новости-ն։

Գործակալությունը նշել է, որ Ուիթքոֆի այցը ՌԴ նախատեսված էր հանգստյան օրերին՝ Իսրայել նրա այցից անմիջապես հետո, սակայն այն այդպես էլ չի կայացել: 

«Նույն օրը տեղի ունեցավ Ռուսաստանի և Բելառուսի նախագահների հանդիպումը Վալաամում, որտեղ ազդանշաններ փոխանցվեցին օվկիանոսից այն կողմ», - նշել է փորձագետը՝ նշելով, որ Պուտինի խոսքերը կարող էին «առաջիկա երկխոսության նրբությունների որոշակի լրամշակումների պատճառ դառնալ»։