Լվովում հրդեհվել է հյուրանոց, որտեղ տեղակայված էին ուկրաինացի զինվորներ

Լվով քաղաքում հրդեհ է բռնկվել «Վլաստա» հյուրանոցում, որի մի քանի հարկերը ծառայում էին որպես հանրակացարան Ուկրաինայի զինված ուժերի զինվորների համար։ Տեղեկությունը հայտնել է «Հանրային» լրատվամիջոցը։

Ուկրաինայի Արտակարգ իրավիճակների պետական ծառայության հաղորդմամբ՝ հրդեհաշիջման աշխատանքների ընթացքում շենքից տարհանվել է 15 մարդ, որոնցից 6-ը հոսպիտալացվել են։ Հրդեհը մարելու գործին մասնակցել է 70 հրշեջ։ Ըստ նախնական տվյալների՝ հրդեհը սկսվել է շենքի 9-րդ հարկում, սակայն դրա պատճառները դեռ պարզվում են։

Ավելի վաղ հաղորդվել էր Օդեսայի նավահանգստում տեղի ունեցած հրդեհի մասին՝ ռուսական զինուժի հարձակման հետևանքով։ Նշվել էր նաև քաղաքի կենտրոնում հարվածային անօդաչուների պայթյունների մասին։