Եթե իշխանություն ես՝ ձև չկա, դու չես կարա հայ լինես․ դու կա՛մ թուրք ես, կա՛մ ռուս․ Փաշինյան (տեսանյութ)

«Պարեկային ոստիկանությունը որ մարզ մտնում էր, բոլոր մարզպետները զանգում, ասում էին՝ գյուղ տեղ ա, ավտոների վրա համար-բան չեն դնում, վարորդական իրավունք չունեն, կլինի՞, որ ավտոները ԱՊՊԱ չունենան։ Ապշում էի, թե էս ի՞նչ ֆենոմեն է։ Շատ պարզ բան է՝ էդ գյուղը մարդու համար հայրենիք ա, պետությունը չի»,- «Կրթվելը նորաձև է» շարժման բանախոսության ժամանակ ասել է ՀՀ վարչապետ Նիկոլ Փաշինյանը։

«Այ, որ Երևան գնալիս կլինեն, ավտոները կլվանան, ԱՊՊԱ-ն կլինի, համարը կլինի, բայց երբ պարեկային ծառայությունը գալիս ա, մարդու ռեակցիան էն ա, որ թուրքերն եկան, պետք ա մի կերպ բդեշխին խնդրել, որ սուլթանին զանգի։ Եվ ես հասկացա, թե ինչու երբ իշխանություններին չեն սիրում, կամ ասում են թուրք, կամ ռուս։ Իշխանությունը պետության հատկանիշ ա, և եթե իշխանություն ես, ձև չկա, դու չես կարա հայ լինես, դու կամ թուրք ես, կամ ռուս, էս ա մեր պրոբլեմը։ Ես ասում եմ՝ ո՛չ, հայն է այլևս իշխանություն, ՀՀ քաղաքացին է իշխանություն, որովհետև սա երկիր է, սա պետություն է»,- ասել է Փաշինյանը։