Harley-Davidson-ը նոր գլխավոր տնօրեն ունի՝ Topgolf-ի Արթուր Սթարզի նշանակմամբ

Harley-Davidson ընկերությունը հայտարարել է, որ Topgolf International-ի գործադիր տնօրեն Արթուր Սթարցը կփոխարինի Յոխեն Ցայցին՝ ստանձնելով ընկերության գլխավոր տնօրենի պաշտոնը։ Սթարցը նշանակվում է այն պայմաններում, երբ ամերիկյան մոտոցիկլ արտադրողը բախվում է ներմուծման մաքսատուրքերի և սպառողական պահանջարկի անկման խնդիրներին։

Ընկերությունն ԱՄՆ նախագահ Դոնալդ Թրամփի մաքսային քաղաքականության հետևանքով տուժում է ներմուծվող պահեստամասերի բարձրացած արժեքից։ Միաժամանակ, ԱՄՆ-ում նվազում է թանկարժեք հանգստի տրանսպորտի՝ այդ թվում մոտոցիկլների պահանջարկը, հատկապես երիտասարդ սպառողների շրջանում, ովքեր նախընտրում են ժամանակակից և ավելի տնտեսող մոդելներ։

Արթուր Սթարցը նախկինում ղեկավար պաշտոններ է զբաղեցրել Pizza Hut-ում և Topgolf-ում։ Նա գլխավոր տնօրենի պաշտոնը կստանձնի այս տարվա վերջում, մինչդեռ Ցայցը կշարունակի մնալ որպես ավագ խորհրդական մինչև 2026 թվականի փետրվար։ Harley-ի բաժնետոմսերը նորության հրապարակումից հետո աճել են ավելի քան 1 տոկոսով։