Գերմանիան Ուկրաինային կփոխանցի ևս 11 ՀՕՊ համակարգ

Ուկրաինան Գերմանիայից կստանա ևս 11 IRIS-T հակաօդային պաշտպանության համակարգ ։ Այս մասին հաղորդում է գերմանական N-tv հեռուստաալիքը։

«Նախատեսվում է մատակարարել ևս 11 [IRIS-T] համակարգ։ Անցյալ տարի Գերմանիայի կառավարությունը հայտարարեց մինչև 2026 թվականը ընդհանուր առմամբ 24 IRIS-T համակարգի ֆինանսավորման մասին», - ասվում է հայտարարության մեջ։

Հեռուստաալիքի տվյալներով՝ Ուկրաինան ներկայումս շահագործում է գերմանական արտադրության 7 նմանատիպ ՀՕՊ համակարգեր, որոնք նախատեսված են թևավոր հրթիռներ և անօդաչու թռչող սարքեր որսալու համար։