Զելենսկին մեկնաբանել է Թրամփի նոր վերջնագիրը Ռուսաստանին

Ուկրաինայի նախագահ Վլադիմիր Զելենսկին բարձր է գնահատել ամերիկացի առաջնորդ Դոնալդ Թրամփի՝ Ռուսաստանին ուղղված նոր վերջնագիրը։ Նա այս մասին խոսել է X սոցիալական ցանցի իր էջում։

«ԱՄՆ նախագահի հստակ դիրքորոշումն ու արտահայտված վճռականությունը հնչում են այն ժամանակ, երբ շատ բան կարող է փոխվել իրական խաղաղության ուժի շնորհիվ։ Ես շնորհակալություն եմ հայտնում նախագահ Թրամփին այս սարսափելի պատերազմին վերջ դնելու նրա ուշադրության համար», - գովաբանել է նա ամերիկացի առաջնորդին։

Զելենսկին ընդգծել է, որ Կիևը «մնում է հավատարիմ խաղաղությանը» և կշարունակի համագործակցել Վաշինգտոնի հետ ՝ երկու երկրներն էլ «ավելի անվտանգ, ավելի ուժեղ և ավելի բարգավաճ» դարձնելու համար։