Լիտվան զորքեր կտեղակայի Բելառուսի հետ սահմանին

Հակաօդային պաշտպանության գումարտակի ստորաբաժանումը կտեղակայվի Լիտվայում՝ Բելառուսի հետ սահմանին։ Այս մասին հայտարարել է Բալթյան հանրապետության բանակի հրամանատար, գեներալ Ռայմունդաս Վայկսնորասը, հաղորդում է ՏԱՍՍ-ը։

«Ներկայումս ուժեղացվել է հակաօդային պաշտպանության միջոցներով հսկողությունը, և հակաօդային պաշտպանության գումարտակի մի ստորաբաժանում, որը կարող է խառը միջոցներով հայտնաբերել թիրախները և անհրաժեշտության դեպքում ոչնչացնել դրանք, վերաբաշխվել է սահմանին ավելի մոտ», - ասել է նա։