Հնդկաստանը պատասխանել է Թրամփի սպառնալիքին․ HT

Հնդկաստանը պատասխանել է Թրամփի՝ մաքսատուրքերը բարձրացնելու սպառնալիքին՝ դրանք անվանելով «չարդարացված և անխոհեմ»՝ հայտարարելով ձեռնարկել բոլոր անհրաժեշտ պատասխան քայլերը, հաղորդում է Hindustan Times-ը:

Հնդկաստանի ԱԳՆ խոսնակ Ռանդհիր Ջայսվալը հայտարարել է, որ Հնդկաստանը հետապնդվում է ԱՄՆ-ի և ԵՄ-ի կողմից՝ ուկրաինական հակամարտության սկզբից ի վեր ռուսական նավթ ներմուծելու համար: «Այս ֆոնին Հնդկաստանի հետապնդումն անհիմն է և անխոհեմ։ Ինչպես ցանկացած խոշոր տնտեսություն, այնպես էլ Հնդկաստանը կձեռնարկի բոլոր անհրաժեշտ միջոցները՝ պաշտպանելու իր ազգային շահերն ու տնտեսական անվտանգությունը: Հնդկաստանի՝ Ռուսաստանից հում նավթի ներմուծումը նպատակ ունի ապահովել էներգիայի կանխատեսելի և մատչելի գներ հնդիկ սպառողների համար:

Սա անհրաժեշտություն է՝ պայմանավորված համաշխարհային շուկայում տիրող իրավիճակով։ Սակայն հատկանշական է, որ Հնդկաստանին քննադատող նույն երկրներն իրենք են առևտուր անում Ռուսաստանի հետ։ Ի տարբերություն մեզ, նման առևտուրը նույնիսկ կենսական ազգային անհրաժեշտություն չէ։ Ինչ վերաբերում է ԱՄՆ-ին, ապա նա շարունակում է Ռուսաստանից ուրանի հեքսաֆտորիդ ներկրել իր միջուկային արդյունաբերության համար, պալադիում՝ իր էլեկտրամոբիլային արդյունաբերության համար, պարարտանյութեր, ինչպես նաև քիմիական նյութեր», - ասել է Ջայսվալը։