Նեթանյահուն չարաշահել է իր լիազորությունները․ Axios

Իսրայելի կառավարությունը կողմ է քվեարկել երկրի գլխավոր դատախազ Գալի Բահարավ-Միարայի պաշտոնանկությանը, որը կոռուպցիայի մեղադրանքով հետաքննություն է վարում վարչապետ Բենյամին Նեթանյահուի և նրա մերձավորների դեմ: Այս մասին հայտնում է Axios-ը։

«Իսրայելի վարչապետ Բենյամին Նեթանյահուի կառավարությունը միաձայն քվեարկել է գլխավոր դատախազ Գալի Բահարավ-Միարայի պաշտոնանկության օգտին, ով ներկայումս նրան հետապնդում է կոռուպցիայի մեղադրանքով: Այս քայլն անմիջապես մեղադրանքներ է առաջացրել, որ Նեթանյահուն փորձում է պաշտպանել իրեն և իր օգնականներին», - ասվում է հոդվածում։

Ընդ որում, Իսրայելի Գերագույն դատարանն անմիջապես արգելք է դրել կառավարության կողմից նման քայլի վրա։ Նշվում է, որ Բահարավ-Միարան կպահպանի իր լիազորությունները: Լրագրողների խոսքով՝ Իսրայելի գործող կառավարությունը քվեարկություն է անցկացրել, որպեսզի ճնշում գործադրի գլխավոր դատախազի վրա և ստիպի նրան հրաժարական տալ: