Բոլսոնարուն տնային կալանքի տակ է. ԱՄՆ-ի և Բրազիլիայի միջև լարվածությունը սրվում է

Բրազիլիայի Գերագույն դատարանը տնային կալանքի է ենթարկել երկրի նախկին նախագահ Ժաիր Բոլսոնարուին՝ նրան մեղադրելով պետական հեղաշրջման փորձի և դատարանի սահմանափակումները խախտելու մեջ։ Կալանքը նախաձեռնել է դատավոր Ալեքսանդրե դե Մորաեսը՝ ում վրա վերջերս ԱՄՆ-ն պատժամիջոցներ էր կիրառել։ Մորաեսը հայտարարել է, որ Բոլսոնարուն «հետևողականորեն խախտել է» դատարանի հրահանգները։

ԱՄՆ-ն քննադատել է Բոլսոնարուի կալանքը՝ այն որակելով որպես ընդդիմության լռեցում։ Նախագահ Թրամփը պաշտպանել է Բոլսոնարուին՝ գործընթացը անվանելով «վհուկների որս» և որպես պատժամիջոց՝ հայտարարել Բրազիլիայի ապրանքների վրա 50% մաքսատուրքի սահմանման մասին։

Բոլսոնարուի փաստաբանները բողոքարկել են դատարանի որոշումը։ Նրա կողմնակիցները բողոքի ակցիաներ են անցկացրել, իսկ Բոլսոնարուն՝ անտեսելով սահմանափակումները, հեռախոսազրույց է ունեցել իր որդու՝ սենատոր Ֆլավիո Բոլսոնարուի հետ՝ ուղիղ եթերում։ Դատական գործընթացները կարող են լուրջ հարված հասցնել Բոլսոնարուի քաղաքական ապագային, ով արդեն արգելված է մինչև 2030 թվականը մասնակցել ընտրություններին, հայտնում է Reuters-ը։