Բանգլադեշում հազարավոր մարդիկ նշում են Հասինայի տապալման տարելիցը
Համաշխարհային Մամուլ
Դաքքայում հազարավոր քաղաքացիներ փողոց են դուրս եկել՝ նշելու անցած տարվա ուսանողական բողոքի ակցիաների տարելիցը, որոնց արդյունքում տապալվեց վարչապետ Շեյխ Հասինան։ Տոնական հավաքներն ուղեկցվել են համերգներով, աղոթքներով և երթերով, իսկ նոր իշխանությունները՝ Նոբելյան մրցանակակիր Մուհամմադ Յունուսի գլխավորությամբ, խոստացել են ժողովրդավարական բարեփոխումներ։
Յունուսը կոչ է արել միասնական լինել և պաշտպանել հեղափոխության նվաճումները՝ հիշեցնելով, որ դեռ ակտիվ են նախկին «իշխանասեր ավտոկրատները»։ Նրա խոսքով՝ արդար ընտրություններ կարող են անցկացվել արդեն հաջորդ տարվա սկզբին, մինչդեռ դատավարություններն արդեն սկսվել են՝ 2024-ի բախումների պատասխանատուների նկատմամբ։
Մինչդեռ նախկին վարչապետ Հասինան բաց նամակով դիմել է ժողովրդին՝ պնդելով, որ երբեք հրաժարական չի տվել և պատրաստ է վերադարձի։ Յունուսը պատրաստվում է հրապարակել «Հուլիսի հռչակագիրը», որով պաշտոնապես կճանաչվի անցած տարվա ապստամբությունը՝ որպես երկրի անցումային շրջանի մեկնարկ։ Մինչ շատերը տոնում են, ոմանք զգուշացրել են, որ առանց օրենքի ու խորհրդարանի հաստատման՝ հռչակագիրը կարող է մնալ խորհրդանշական փաստաթուղթ, հայտնում է Reuters-ը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
