ԵՄ-ն կգնի ամերիկյան բիզոնի միս՝ մաքսային արտոնությունների դիմաց

Եվրամիությունը համաձայնել է ավելացնել բիզոնի մսի ներկրումը ԱՄՆ-ից՝ Վաշինգտոնի հետ առևտրային գործարքի շրջանակում։ Ինչպես հայտնում է Reuters-ը՝ հղում տալով եվրոպացի պաշտոնյայի, այս պայմանը քննարկվել է մաքսատուրքերի նվազեցման դիմաց։ ԵՄ-ն փորձում է հնարավորինս շատ ապրանքատեսակ ներառել մաքսային արտոնությունների ցանկում՝ այդ թվում՝ ալկոհոլային խմիչքները։

Ֆրանսիայի FEVS ընկերակցության նախագահ Գաբրիել Պիկարը նշել է, որ առաջիկա 48 ժամում հույս կա՝ ԱՄՆ-ը կհանի հարկերը եվրոպական գինի և սպիրտի համար։ ԵՄ-ն պատրաստ է համաձայնագրի վերջնական տեքստը՝ սպասելով ԱՄՆ պատասխանին՝ այն հրապարակելու համար։

Ավելի վաղ ԱՄՆ նախագահ Դոնալդ Թրամփը և Եվրոհանձնաժողովի ղեկավար Ուրսուլա ֆոն դեր Լայենը հայտարարել էին, որ համաձայնության են հասել։ ԵՄ-ն պարտավորվել է գնել ամերիկյան էներգակիրներ՝ 750 միլիարդ դոլար արժողությամբ, և ներդնել ևս 600 միլիարդ դոլար ԱՄՆ տնտեսության մեջ։ Վերլուծաբանների կարծիքով՝ դա լավագույն գործարքն է, որ կարող էր ապահովել թույլ դիրք ունեցող ԵՄ-ն։