iPhone 17-ը կթանկանա ռուսական նավթի պատճառով. Apple-ը կրել է մաքսային ճնշման հետևանքները

Apple կորպորացիան պատրաստվում է բարձրացնել iPhone 17-ի գինը՝ ԱՄՆ-ի և Հնդկաստանի միջև աճող մաքսային լարվածության պատճառով։ Ինչպես գրում է Appleinsider-ը, նախագահ Դոնալդ Թրամփը սպառնացել է բարձրացնել Հնդկաստանից ներկրվող ապրանքների մաքսատուրքերը՝ այդ երկրի կողմից ռուսական նավթի գնումների ֆոնին։

Apple-ը նախատեսում էր iPhone 17-ի մասշտաբային արտադրությունը տեղափոխել Հնդկաստան՝ նվազեցնելու համար Չինաստանից կախվածությունը։ Սակայն մաքսատուրքերի բարձրացումը կարող է ստիպել ընկերությանը վճարել լրացուցիչ հարկեր, ինչն էլ կբերի սմարթֆոնների թանկացման՝ հավելում են աղբյուրները։

Ամերիկացի պաշտոնյաները կոչ են անում արտադրությունը վերադարձնել ԱՄՆ, սակայն բարձր ծախսերի և լոգիստիկ դժվարությունների պատճառով դա գրեթե անիրատեսական է։ Վերլուծաբանների կանխատեսմամբ՝ iPhone 17-ի առնվազն երկու մոդել 2024 թվականի համեմատ կթանկանան 50 դոլարով։