Եվրոպական ապրանքների ներմուծումը ԱՄՆ հասել է նվազագույնի՝ իջնելով մինչև $45,7 միլիարդ

ԱՄՆ վիճակագրական ծառայության տվյալներով՝ 2025 թվականի հունիսին եվրոպական ապրանքների ներմուծումը նվազել է մինչև $45,7 միլիարդ, ինչը նվազագույն ցուցանիշն է 2024-ի փետրվարից ի վեր։ Մայիսին ներմուծումը կազմել էր ավելի քան $56,5 միլիարդ, ինչը նշանակում է մոտ $11 միլիարդ նվազում մեկ ամսում։

Միևնույն ժամանակ, ամերիկյան ապրանքների արտահանումը Եվրոպա աճել է 3.2%-ով՝ հասնելով $35,8 միլիարդի։ Այս փոփոխության արդյունքում ԱՄՆ-ի առևտրային դեֆիցիտը ԵՄ-ի հետ կրճատվել է՝ $21,9 միլիարդից նվազելով մինչև $9,9 միլիարդ։

Ավելի վաղ հաղորդվել էր, որ ԵՄ–ԱՄՆ նոր առևտրային համաձայնագիրը որոշ ընկերությունների՝ օրինակ BMW-ի և Mercedes-Benz-ի համար կբերի շուրջ 4 միլիարդ եվրոյի լրացուցիչ շահույթ։ Սակայն փորձագետները կանխատեսում են, որ եվրոպական տնտեսությունը՝ հատկապես Գերմանիայի արդյունաբերությունը, կկրի լուրջ վնասներ։ Գերմանիայում արտադրության ծավալը կարող է նվազել 15%-ով, իսկ ողջ ԵՄ-ում՝ 11%-ով։