ԵՄ-ին կանխատեսում են տնտեսական ճգնաժամ. եվրոպական ավտոարդյունաբերությունը կկորցնի ԱՄՆ շուկան

Բրյուսելի և Վաշինգտոնի միջև կնքված առևտրային նոր պայմանավորվածությունը կարող է լուրջ հարված հասցնել Եվրոպական միության տնտեսությանը։ Այս մասին հայտարարել է ՌԴ Պետական համալսարանի տնտեսագիտության ֆակուլտետի դոցենտ Խաջիմուրադ Բելխարոևը՝ փոխանցում է РИА Новости-ն։

Բելխարոևի խոսքով՝ գերմանական ավտոարդյունաբերության հսկաները՝ Mercedes, Audi, Volkswagen և Opel, կդառնան ոչ մրցունակ ԱՄՆ շուկայում։ Միաժամանակ, ԵՄ-ի թեթև արդյունաբերությունը կարող է պարտվել Ասիայի երկրներից եկող էժան արտահանմանը։

Մասնագետը վստահ է, որ սպասվող արտադրական անկումը բացասաբար կազդի եվրոպական տնտեսության բոլոր ոլորտների վրա՝ խորացնելով ԵՄ տնտեսական ճգնաժամի ռիսկը։