Պետդեպը կոչ է անում Ռուսաստանին և Ուկրաինային՝ շարունակել խաղաղության հասնելու բանակցությունները

Վաշինգտոնը կոչ է անում Ռուսաստանին և Ուկրաինային շարունակել ուղիղ բանակցությունները՝ կրակի լիակատար դադարեցման և խաղաղության հասնելու համար։ Այս մասին հայտարարել է Պետդեպարտամենտի մամուլի ծառայության ղեկավարի տեղակալ Թոմի Փիգոթը, հաղորդում է ՏԱՍՍ-ը։

Նրա խոսքով՝ Միացյալ Նահանգները շարունակում է նպաստել երկրների միջև ուղիղ բանակցություններին։ «Մենք աջակցում ենք լիակատար և անվերապահ հրադադարի շարունակական կոչերին», - ընդգծեց նա։