Հնդկաստանը բարձր մակարդակի պատվիրակություն է ուղարկել Մոսկվա՝ Թրամփի սպառնալիքների ֆոնին
Աշխարհ
Հնդկաստանի վարչապետ Նարենդրա Մոդիի ազգային անվտանգության խորհրդական Աջիտ Դովալը Մոսկվա է ժամանել ԱՄՆ նախագահ Դոնալդ Թրամփի կողմից Հնդկաստանի համար մաքսատուրքերի զգալի բարձրացման մասին հայտարարության ֆոնին, օգոստոսի 5-ին հաղորդել է The Times of India-ն։
«Նրա այցը նպատակ ունի ամրապնդել Հնդկաստանի ռազմավարական գործընկերությունը Ռուսաստանի հետ՝ համաշխարհային լարվածության աճի ֆոնին։ Թրամփի նախազգուշացումները չեն խաթարի Հնդկաստան-Ռուսաստան հարաբերությունները։ Հնդկաստանի կառավարությունը հստակ հայտարարել է Մոսկվայի հետ էներգակիրների առեւտրի հետ կապված ճնշմանը չենթարկվելու մասին», - ասվում է հոդվածում։
Հնդկական «Էկոնոմիկ Թայմս» թերթը պարզաբանում է, որ այցը նախապես պլանավորված էր։
Թերթի փոխանցմամբ՝ Դովալը Ռուսաստանի հետ բանակցություններ կվարի պաշտպանական արդյունաբերության ոլորտում համագործակցության ընդլայնման շուրջ, այդ թվում ՝ Ս-400 հրթիռային համակարգերի հնարավոր գնման եւ Հնդկաստանում տեխնիկական սպասարկման ենթակառուցվածքների շուրջ: Քննարկվելու է նաև Վլադիմիր Պուտինի հնարավոր այցը Նյու Դելի:
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
