Զախարովան պատասխանել է Թրամփի սպառնալիքներին

Արևմտյան երկրները աննախադեպ թվով պատժամիջոցներ են կիրառել Ռուսաստանի և նրա գործընկերների դեմ, իսկ նոր պատժամիջոցների սպառնալիքները դարձել են սովորական։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, հաղորդում է Lenta.ru-ն։

«Ռուսաստանի և մեր միջազգային գործընկերների դեմ արդեն հայտարարվել են աննախադեպ թվով պատժամիջոցներ և ամեն տեսակի այլ անօրինական սահմանափակումներ, այնպես որ, մեծ հաշվով, նոր սահմանափակումների սպառնալիքները պարզապես սովորական են դարձել», - ասել է դիվանագետը։