Ֆրանսիայի հարավում խոշոր անտառային հրդեհ է բռնկվել

Ռիբո հին քաղաքի մոտակայքում (Ֆրանսիայի հարավային Օդ դեպարտամենտում) անտառային հրդեհ է բռնկվել։ Այս մասին հայտնել է X-ում հայտնել է շրջանային պրեֆեկտուրան։

«Ռիբո քաղաքի տարածքում խոշոր հրդեհ է բռնկվել։ Այն մարելու համար մոբիլիզացվել են զգալի ուժեր», – ասվում է հաղորդագրության մեջ։

Ինչպես հաղորդում է BFMTV հեռուստաալիքը, դեպքի վայր է մեկնել ավելի քան 430 հրշեջ։

Նշվում է, որ «հրդեհի մարման հետ կապված այս տարածքի ճանապարհները փակ են»։

Météo-France ազգային օդերևութաբանական ծառայությունը հայտարարել է դեպարտամենտում անտառային հրդեհների հետ կապված ամենաբարձր (կարմիր) սպառնալիքի մակարդակ։

Հուլիսի սկզբին Օդ դեպարտամենտում այրվել է մոտ 2 հազար հեկտար անտառ։ Տուժել են նաև հարակից շրջաններ: