Սիրիան շնորհակալություն է հայտնել Ռուսաստանին

Սիրիան շնորհակալություն է հայտնում Ռուսաստանին երկրների միջև համագործակցության նոր էջ բացելու պատրաստակամության համար։ Այս մասին հայտարարել է հանրապետության արտաքին գործերի նախարար Ասաադ ալ-Շիբանին իր ռուս գործընկեր Սերգեյ Լավրովի հետ համատեղ մամուլի ասուլիսի ժամանակ։

«Մենք շնորհակալություն ենք հայտնում Ռուսաստանին համագործակցության նոր էջ բացելու պատրաստակամության համար, և այսօր մենք սկսում ենք երկխոսություն, որը մեծ նշանակություն ունի, քանի որ այն որոշում է ներկան և ապագան : Մեր երկրների միջև հարաբերությունները պատմական բնույթ են կրում, և այժմ դրանք ճիշտ ուղու վրա են: Մենք վերականգնում ենք տնտեսությունը, և մեզ ընկերներ են պետք», - նշել է դիվանագետը: