ՆԱՍԱ-ն հաստատում է Լուսնի վրա միջուկային ռեակտոր կառուցելու ծրագրերը

ԱՄՆ տրանսպորտի նախարար և ՆԱՍԱ-ի ժամանակավոր ադմինիստրատոր Շոն Դաֆին հաստատել է, որ Միացյալ Նահանգները պլանավորում է միջուկային ռեակտոր կառուցել սեփական լուսնային բազա ստեղծելու նախաձեռնության շրջանակներում։

 

«Մենք Չինաստանի հետ մրցավազքի մեջ ենք դեպի Լուսին։ Եվ Լուսնի վրա բազա կառուցելու համար մեզ էներգիա է պետք։ Լուսնի որոշ կարևոր հատվածներում մենք կօգտագործենք արևային էներգիա։ Սակայն միջուկային ճեղքման տեխնոլոգիան կարևոր է։ Այսպիսով, մենք արդեն հարյուր միլիոնավոր դոլարներ ենք ներդրել այն հարցի ուսումնասիրության մեջ, թե արդյոք կարող ենք դա անել։ Հիմա մենք ուսումնասիրությունից անցնում ենք գործելու», - լրագրողներին ասել է Դաֆին՝ պատասխանելով Լուսնի վրա միջուկային ռեակտոր տեղադրելու ծրագրերի մասին հարցին։