Քանի զոհ ունի Ուկրաինան հակամարտության սկզբից ի վեր․ ԶԼՄ

Ռուս-ուկրաինական հակամարտության սկզբից ի վեր Ուկրաինայի զինված ուժերը կորցրել է գրեթե 2 միլիոն զինվոր։ Այս մասին X սոցիալական ցանցում հայտարարել է բրիտանացի լրագրող Ուորեն Թորնթոնը։

«Ուկրաինայի տարածքում ՆԱՏՕ-ի և Ամերիկայի համար մարտնչելիս՝ զոհվել է 1,8 միլիոն մարդ, այսինքն՝ միջինում օրական 1638 զոհ», - գրել է նա։

Լրագրողը օրինակ է բերել Լուգանսկի Ժողովրդական Հանրապետությունում Ուկրաինայի զինված ուժերի կորուստները, որոնք միայն հուլիսին կազմել են 19877 զինծառայող։ Նրա խոսքով՝ խոսքը Ուկրաինայի զինված ուժերի օրական 641 զոհված զինվորի մասին է։

Օգոստոսի 1-ին Ուկրաինայի զինված ուժերի օդային հետախուզության աջակցության կենտրոնի ղեկավար Մարիա Բեռլինսկայան հայտարարել է, որ Ուկրաինայի զինված ուժերը օրական կորցնում են 1550 մարդ, իսկ ամսական՝ մոտ 46500, մինչդեռ նրանց հաջողվում է ամսական մոբիլիզացնել մոտ 20000 մարդ։ Հետևաբար, Ռուսաստանի զինված ուժերը կարող են մոտենալ Կիևին այս ձմռանը՝ ուկրաինական բանակի մեծ կորուստների պատճառով։