ԱՄՆ-ում հայտարարել են Թրամփի՝ Ռուսաստանի պատճառով հեղինակությունը կորցնելու վտանգի մասին

Ռուսաստանը ամրապնդում է իր դիրքերը միջազգային ասպարեզում, մինչդեռ Միացյալ Նահանգները ռիսկի է դիմում՝ կորցնելու իր հեղինակությունը և վնասելու սեփական շահերը։ Այս մասին հաղորդում է Bloomberg-ը։

Հրապարակումը նշում է, որ ռուսական կողմը Հյուսիսատլանտյան դաշինքի երկրներից ավելի արագ է մեծացնում զինամթերքի արտադրությունը, ինչպես նաև ակտիվորեն մշակում է անօդաչու տեխնոլոգիաներ, ամրապնդում է կապերը Հյուսիսային Կորեայի և Չինաստանի հետ և խթանում դոլարը շրջանցող վճարային մեխանիզմները։

Գործակալությունը պնդում է, որ Ռուսաստանի նախագահ Վլադիմիր Պուտինը գնալով՝ ավելի լուրջ խնդիր է դառնում Սպիտակ տան ղեկավար Դոնալդ Թրամփի համար, ով իրեն ներկայացնում է՝ որպես խաղաղարար։